“Love Again” ishte një nga këngët e preferuara të Dua Lipës por edhe fansave të saj, nga albumi i dytë dhe shumë i suksesshëm, “Future Nostalgia”.
Dhe më në fund, këngëtarja me prejardhje nga Kosova vendosi ta sjell këtë projekt edhe në formën vizuale.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPara pak minutash u publikua videoklipi i hitit “Love Again”, që është një këngë dedikuar emocioneve që i sjell dashuria, pas zemërthyerjes dhe zhgënjimeve.
E interpretuar në mënyrë fantastike nga Lipa, videoklipi e sjell këngëtaren në stilin e një kauboji duke vallëzuar e shoqëruar nga disa valltarë.
Nga lansimi i albumit të dytë në mars të vitit 2020, Dua Lipa i ka publikuar edhe albumin e plotë remix, ‘Club Future Nostalgia’, të realizuar nga DJ dhe producentja e njohur amerikane, The Blessed Madonna, pjesë e këtij incizimi ishin yje të njohur të muzikës si Madonna, Missy Elliot, grupi “Blackpink” dhe Gëen Stefani.
Këngëtarja 25-vjeçare po ashtu e ka lansuar një këngë të re të quajtur “Fever”, të cilën e solli në bashkëpunim me kantautoren belge Angéle, e angazhoi reperin më të kërkuar të momentit, DaBaby, në një version të ri të këngës “Levitating”, bashkëpunoi me yllin e muzikës Miley Cyrus në realizimin e hitit “Prisoner”, si dhe e lansoi një version “Future Nostalgia: The Moonlight Edition” së bashku me këngën e re, “We’re Good”.