Djemtë e Arnold Schwarzeneggerit, Patrick dhe Joseph, janë parë në shoqërinë e njëri-tjetrit për herë të parë.
Dy vëllezërit janë fotografuar nga paparacit duke ushtruar së bashku në Santa Monica, krahas së dashurës së Joseph Schwarzeneggerit, Nicky Dodaj.
Tashmë e dini historinë e familjes së aktorit dhe ish-guvernatorit të Kalifornisë. Nëna e Josephit, Mildred, ishte pastruese në shtëpinë e familjes Schwarzenegger kur mbeti shtatzënë nga afera e saj me yllin e filmave aksion. Ajo dhe i biri u zhvendosën në Bakersfield për të jetuar, derisa shpërtheu lajmi në media se Joseph ishte djali i të famshmit Arnold Schwarzenegger.
Nga atëherë Joseph besohet se nuk ka pasur kontakt me fëmijët e tjerë të aktorit, të paktën jo nga aq sa dinë mediat dhe portalet e huaja.
Andaj mbetet të shihet nëse ky është fillimi i krijimit të raporteve familjare ndërmjet Josephit dhe 3 fëmijëve tjerë të Arnoldit.
Patrick dhe Joseph kanë edhe gjëra tjera të përbashkëta, përveç lidhjes së gjakut. Që të dy e kanë filluar rrugëtimin e tyre në botën e aktrimit.
{gallery}
