Kënga e shumëpritur e këngëtareve, Billie Eilish dhe Rosalía, do të lansohet këtë javë.
Pasi i ngacmoi adhuruesit rreth ecurisë së këtij projekti, ylli i hitit “Therefore I Am” dhe këngëtarja e hitit “Malamente”, më në fund e kanë konfirmuar lansimin e bashkëpunimit me titull “Lo Vas A Olvidar” të enjten më 21 janar.
Billie e ka postuar një promo të videoklipit në Instagram, të shoqëruar me mbishkrimin: “E keni pritur lansimit e bashkëpunimit me Rosalian, ‘Lo Vas A Olvidar’, qe një kohë të gjatë, dhe tani kënga dhe videoklipi janë gati për t’u lansuar të enjten”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo
Kënga e shumëpritur e dyshes së njohur të muzikës, gjithashtu do të përfshihet në episodin e ardhshëm të serisë hit të kanalit HBO, “Euphoria”.
Pop ylli spanjoll, Rosalía, në të kaluarën e kishte zbuluar se ishte duke e pritur 19-vjeçaren, Billie Eilish, për ta incizuar pjesën e saj të këtij bashkëpunimi, dhe dyshja ka punuar vazhdimisht për ta përfunduar këtë këngë edhe gjatë pandemisë së koronavirusit.
“Ndjej se po ndodhin aq shumë gjëra në botë, sa është e vështirë të fokusohesh në punë, por një të njëjtën kohë ndihem e bekuar dhe me fat që jam në shtëpi, që jam e sigurt dhe po kam kohë dhe mundësi të krijojë muzikë. Unë e kam një studio të vogël incizuese në shtëpi, e cila është e pajisur me mjetet esenciale për të krijuar muzikë, prandaj edhe po mundohem që t’i incizoj vokalet për këngët e albumit tim të ardhshëm. Gjatë këtyre dy javëve të fundit kam punuar shumë për ta finalizuar bashkëpunimin me Billie Eilishin. Mendoj se i jemi afruar shumë përfundimit të këtij projekti, prandaj kam nevojë vetëm që Billie të ma dërgojë vokalin e saj, dhe ndonjë ide nëse duan ta shtojnë në këngë”, kishte deklaruar Rosalía.
Billie Eillish dhe Rosalía, janë dy këngëtare relativisht të reja në skenën muzikore, por e gëzojnë një sukses të jashtëzakonshëm anembanë botës. Ato shquhen për zërat stilin e veçantë të muzikës, performancat fantastike live nëpër koncerte dhe bashkëpunimet me disa prej yjeve më të mëdhenj të industrisë.