Showbiz

Kevin Costner dhe Diane Lane bëhen bashkë për filmin ”Let Him Go”

Kevin Costner dhe Diane Lane bëhen bashkë për filmin ”Let Him Go”
 

Aktorët, Kevin Costner dhe Diane Lane, të lumtur për faktin se janë ribashkuar në ekran të madh, me realizimin e filmit “Let Him Go”.

Dyshja e aktorëve në të kaluarën kanë punuar së bashku në filmim e vitit 2013, “Man of Steel”, ku i portretizuan prindërit e Supermanit, Jonathan dhe Martha Kent. Ndërsa, së fundmi janë bërë bashkë në realizimin e një projekti të ri filmik, ngase gjatë karrierës së tyre nuk kanë pasur shumë raste për të bashkëpunuar, transmeton Koha. Për “The Hollywood Reporter”, 55-vjeçarja Diane Lane citohet të ketë thënë: “Nuk mendoj se zemra ime do ta përballonte nëse ai do ta refuzonte këtë rol. T’i shpesh rezikon të ndihesh e refuzuar nga ndonjë aktor tjetër, por pa rezikuar në jetë nuk mund as të fitosh”.

Ndërsa 65-vjeçari Kevin Costner, ka deklaruar: “Në fakt, ajo është një prej aktoreve protagoniste më të mira në dekadat e fundit. Sepse, ajo ka aftësi të jashtëzakonshme për ta pushtuar ekranin. Thjeshtë, ajo është një aktore me pikëpamje dhe ide të tilla, që e bëjnë punën përkrah saj shumë të lehtë”.

“Let Him Go” e rrëfen historinë e çiftit, George dhe Margaret Blackledge, i cili lufton shumë për ta shpëtuar nipin e tyre prej dhunës së ushtruar nga njerku dhe familja e tij. Filmi ka filluar së shfaquri nëpër kinematë e Amerikës nga 6 nëntori, dhe deri më tani ka marrë kritika të mira nga publiku.