Rep artistja 27-vjeçare, Cardi B, është bërë fytyra e re reklamuese e markës së njohur “Balenciaga”.

Ajo e udhëheq fushatën e re reklamuese për shtëpinë luksoze të modës dhe përmes një postimi të fundit në Instagram, reperja ka treguar se ndihet shumë krenare që po e promovon këtë markë përmes ‘billboardave’ anembanë botës.

“Po e shihni fytyrën time në fushatën reklamuese të markës @Balenciaga! Më kujtohet si jam ndier kur e kam parë veten në billboardin e vendosur në sheshin ‘Times Square’ në New York City, por ta shohësh veten edhe në PARIS! Do të doja shumë të isha atje për ta parë reklamën personalisht”.

 

 

 

 

View this post on Instagram

 

 

 

 

 

 

 

 

 

Ya lookin at the face of a @Balenciaga campaign! I remember how I felt seeing myself on a billboard in NYC Times Square but PARIS! Wish I was there to see it in person!

A post shared by Cardi B (@iamcardib) on Sep 1, 2020 at 6:21am PDT

Në fotografinë e vendosur në ‘billboard’, Cardi shfaqet e veshur me një fustan të gjatë glamuroz, e shtrirë në një kopsht të mbushur me lodra fëmijësh. Fotografia ishte realizuar në Los Angeles gjatë kohës së karantinës, transmeton Koha.

Reperja e shquar për stilin e saj të veçantë, në të kaluarën ka bashkëpunuar me brendin “Fashion Nova” për ta krijuar koleksionin e saj të veshjeve, të cilat u shitën online. Po ashtu në fillim të këtij viti, Cardi u bë sërish bashkë me këtë markë të veshjeve, për t’i ndihmuar fansat e saj në këtë kohë të krizës së koronavirusit.

Ylli i hitit “WAP” dhe “Fashion Nova”, e kanë bërë të ditur lajmin se planifikojnë t’i dhurojnë 1 milion dollar për t’i ndihmuar personat në nevojë gjatë kësaj pandemia. Të hollat do të shpërndahen përmes 1 mijë kësteve.

Përmes një video të postuar në rrjetet sociale, reperja shpjegoi: “Nganjëherë t’i dhuron të holla për bamirësi dhe nuk je e sigurt nëse vërtetë shkojnë në duart e njerëzve. Unë jam bërë bashkë me markën ‘Fashon Nova’ për t’i ndihmuar të gjithë personat e prekur nga pandemia e koronavirusit. Shumë prej jush jeni duke pasur vështirësi t’i paguani faturat, të siguroni ushqim për familjet tuaja dhe të kujdeseni për gjërat themelore të cilat u nevojiten.”

Për të përfituar nga ky donacion, ndjekësit e Cardi B duhet ta dërgojnë një aplikacion me 250 fjalë të shkruara, ku e shpjegojnë mënyrën se si ky virus vdekjeprurës u ka ndryshuar jetën.