Këngëtarja 29-vjeçare, Anne-Marie, e ka bërë të ditur lajmin se ka bashkëpunuar me yllin e hitit “Say So”, Doja Cat, në realizimin e këngës së re me titull “To Be Yong”, e cila lansohet të premten më 17 korrik.
Krahas postimit të një fotografie në Twitter, ku dy artistet shfaqen në formë të animacionit, Anne-Marie ka shkruar: “TO BE YOUNG ft @DojaCat lansohet të premten.”
TO BE YOUNG ft @DojaCat COMING FRIDAY. Pre order/pre save here https://t.co/BQpwGzeU2H ? pic.twitter.com/Uf9U485b6p
— ANNE-MARIE (@AnneMarie) July 13, 2020
“To Be Young” do të jetë videoprojekti e tretë i lansuar nga Anne-Marie gjatë këtij viti, pas publikimit të këngëve “Her” dhe “Birthday”, transmeton Koha.
Ndërkohë, ky lansim i ri vjen pak kohë pasi këngëtarja e kishte pranuar se katër herë kishte menduar ta lërë muzikën, për shkak të shëndetit të saj mendor.
Ylli i muzikës ka folur hapur për betejën e saj me depresionin dhe ankthin, veçanërisht prej se është bërë e famshme, si dhe e ka pranuar që këto ndjenja e kanë bërë të dyshojë në karrierën e saj. Por, sipas këngëtares, përmbushja e ëndrrës së fëmijërisë është ajo çka e ka bërë të vazhdojë tutje.
Anne-Marie ka treguar se i ka provuar disa lloje të terapisë dhe aktualisht po e bënë më të mirën e mundshme për t’i tejkaluar vështirësitë me të cilat po përballet në jetën e përditshme.
