Ylli Peter Chong kopjen e vetme të filmit e kishte mbajtur në frigorifer.
Ring of Fury, film i arteve luftarake nga Singapori, i cili ishte i ndaluar për më shumë se 30 vjet, tani mund të shikohet në Youtube, raporton NME.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoI lëshuar në vitin 1973, filmi u refuzua nga censorët e shtetit dhe nuk u aprovua për shfaqje publike për shkak të “portretizimit të gangsterizmit dhe kryeneçësisë në kohën kur Singapori në mënyrë agresive po ‘pastronte’ imazhin kombëtar në publik,” thotë Arkivi Aziatik i Filmit (AFA).
Filmi famëkeq u tregua për herë të parë në vitin 2005, në një festival lokal të filmit në Singapor, para se të restaurohej nga AFA në vitin 2017.
Ylli i filmit Ring Of Fury Peter Chong i cili edhe në jetën e përditshme ishte mjeshtër i karatesë, në një intervistë në vitin 2017 tregoi pse ishte censuruar filmi në vitet e 70-ta.
“Është tregim i vërtetë i jetës në Singapor në fund të viteve të 60-ta, ku ende kishim banda të cilat mblidhnin haraç. Por censorët patën thënë se nuk mund të marrim ligjin në duart tona,” kishte thënë Chong, transmeton KOHA.
Chong ka pasur kopjen e vetme të filmit për shumë vite, dhe e kishte mbajtur në frigorifer deri sa AFA e morri për restaurim në vitin 2017.
Ky film është filmi i vetëm i arteve luftarake nga Singapori. I inspiruar nga filmi Fist of Fury i Bruce Lees, Ring of Fury e tregon tregimin e një shitësi të noodles i cili mësoi kung-fu për t’u hakmarrë për familjen e tij.