Kur është në pyetje siguria e qytetarëve, dezinformatat kalojnë lehtë. Siguria është një prej atyre nevojave bazë të secilit individ, dhe kur e ndjejmë se kjo siguri po na kërcënohet, pa marrë parasysh sa mendje kritike mund të kemi, frikësohemi. Pra, kjo ndikon që të rritet frika e të ulet gjykimi kritik, u tha në emisionin "Prapa Ekraneve" në KTV.
Çështjet e sigurisë bëjnë që njerëzit të bien shumë lehtë pre e dezinformatave që paralajmërojnë se mund të ketë luftë, rrjedhimisht mund të kërcënohet siguria jonë individuale.
Prandaj, një prej qëllimeve të dezinformatave është mbjellja e dyshimit dhe pasigurisë. Krahas dezinformatave, veriu dhe dialogu Kosovë- Serbi, edhe gjatë vitit 2023 i ka dominuar edhe raportimet e përmbajtjet e mediave në tërësi.
Teksa pasiguria në veri ka shërbyer gjerësisht për dezinformim, rrjedhimisht ka ndikuar edhe te dezinformimi te një aspekt tjetër i sigurisë: armatosja e FSK-së.
Kjo temë ka mbizotëruar si burim dezinformimi zakonisht ndërlidhur me zhvillimet në veri të Kosovës. Përmes dezinformatave krijohej dyshimi mbi kërcënimin e sigurisë, prodhuesit e dezinformatave nisnin me informacione të rreme se tash po armatoset FSK-ja dhe rrjedhimisht, Kosova është e gatshme me i dalë ballë secilit kërcënim që vjen nga jashtë.
Edhe
Temat për të cilat pritet të dezinformohet gjatë vitit 2024
Prodhuesit e dezinformatave në këtë drejtim pritet që edhe gjatë vitit 2024 të fokusohen në çështjet e sigurisë. Në njërën anë, e kemi jo-stabilitetin e vazhdueshëm në veri, e në anën tjetër paralajmërimet e vazhdueshme gati qe tri vjet prej krerëve të shtetit për mundësinë e luftës. Këto dyja bashkë pritet të ndikojnë që edhe gjatë këtij viti të diskutohet mundësia e ndonjë lufte të mundshme.
Përderisa 90% e vëmendjes së qytetarëve fokusohet te ngjarjet në veri dhe në mundësinë për luftë, ka shumë probleme tjera përbrenda që kalojnë pa u vënë re e pa krijuar zhurmë.
