Peshëngritësja Solfrid Koanda ka shkruar historinë për Norvegjinë, pasi e ka fituar medaljen e artë në kategorinë deri në 81 kilogramë.
Koanda ia siguroi Norvegjisë të shtunën në “Parisi 2024”, medaljen e dytë në histori të peshëngritjes, dhe të artën e parë që prej vitit 1972.
Ajo në shkëputje pati ngritje prej 121 kilogramëve dhe 154 kilogramëve në shtytje.
Totali prej 275 kilogramëve është po ashtu rekord olimpik.
Sara Ahmed e Egjiptit e fitoi medaljen e argjendtë me 268 kilogramë ngritje në të dyja stilet, kurse të bronztën e fitoi Neisi Dajomes nga Ekuadori.
