Arbëri

Prishtina me mbi 3500 raste aktive me COVID-19

Shifra të larta të rasteve aktive me COVID-19 vazhdojnë të jenë në Prishtinë.

Kryeqyteti ka 3539 raste aktive me koronavirus. Pas Prishtinës është Prizreni me 1379, Ferizaj me 1181 dhe komuna tjera me më pak se njëmijë raste.

Numri total i rasteve aktive është 15.835 e që krahasuar me javën e kaluar ka rënë për shkak edhe të rënies së lehtë të rasteve me COVID-19.

Vetëm në 24 orët e fundit 24 persona kanë vdekur dhe 357 raste janë regjistruar me COVID-19.

Gjithashtu janë shëruar 1498 persona.