Arbëri

KRU “Prishtina” ankohet për kyçje ilegale në ujësjellës

Kompania Rajonale e Ujësjellësit “Prishtina” është ankuar për dhjetëra kyçje ilegale në sistemin e rrjetit të ujësjellësit për të cilat ka bërë të ditur se po zbulohen nga inspektorët dhe kontrollorët çdo ditë.

Për të njëjtat ka njoftuar se janë duke u procesuar më tutje.

Po ashtu, KRU “Prishtina” ka bërë të ditur se dërgimi i lëndëve të konsumatorëve borxhlinj te Përmbaruesit Privat po vazhdon.

“Vazhdon lehtësimi i kritereve për programimin e borxheve. Dhjetëra raste të zhbllokimit të kanalizimeve po realizohen çdo ditë. Impiantet e trajtimit të ujit, Shkabaj, Albanik e Badoc po funksionojnë me kapacitete maksimale. Andaj, për një furnizim stabil me ujë dhe infrastrukturë funksionale, shpenzo racionalisht ujin, mos realizo kyçje ilegale dhe paguaj faturat e ujit rregullisht”, thuhet në njoftim.