Një gyp i ujit i cili ka shpërthyer në rrugën “Tirana” në kryeqytet u ka shkaktuar telashe ekipeve të Kompanisë Rajonale të Ujësjellësit në Prishtinë.
Prishja e gypit me diametër fi 200 mm ka lënë pa ujë mbrëmë e deri sot në orët e mëngjesit një pjesë të lagjes Arbëria deri te komuna e re e Prishtinës, lagjen Lakrishte dhe një pjesë e lagjes Dardania, në Prishtinë.
Sipas zëdhënëses së KRU “Prishtina”, Arjeta Mjeku, ekipet kanë punuar nga ora 20:00 të martën deri në orën 5 të mëngjesit të ditës së sotme.
Tashmë sipas saj, uji është kthyer dhe furnizim ka në të gjitha lagjet e lartpërmendura.
