Arbëri

Ahmeti: Nga 140 testime mesatarisht 40 raste pozitive me COVID-19

Kreu i komunës së Prishtinës, Shpend Ahmeti, përmes një postimi në Facebook ka bërë të ditur se nga 140 testime mesatarisht janë 40 raste pozitive në kryeqytetin e Kosovës.

“Sot e provova vet testin antigjen të shpejtë covid që Komuna ka filluar para dhjetë ditëve. Rezultat pas 20 minutave me saktësi të lartë dhe i lehtë për t’u administruar. Rreth 140 teste në ditë po bëhen me udhëzim nga mjeku. Mesatarja nga 130-140 teste është 35-40 pozitive”, ka shkruar Ahmeti.

Ai ka shtuar se, “po ashtu tashmë Komuna e Prishtinës si duket e vetmja në Kosovë tashmë ofron testin D-Dimer falas për ta lehtësuar koston për qytetarët. Edhe pak! Tuneli ka fund!”.