-
Nga:
Agnesa Vitija
- 7 dhjetor 2019 11:12
- Shpërndaje në:
4 mijë studentë, aq sa është kapaciteti i Qendrës së Studentëve në Prishtinë, udhëtojnë të paktën dy herë në javë nga stacioni i autobusëve për në shtëpitë e tyre dhe anasjelltas.
Shumica nga ta, me vete kanë edhe rroba të shumta dhe shkuarja nga qendra deri në stacion i ka vështirësitë e veta. Kjo në mungesë të linjës së autobusit nga Stacioni i Autobusëve për në qytet, raporton 038 në KTV.
Aktualisht, studentët përdorin disa nga linjat me numrin 7, por që asnjëra nuk niset e as nuk përfundon në stacion të autobusëve.
E shumë prej tyre, përveç shpenzimeve të fjetjes e ushqimit, për shkak të valixheve të rënda, duhet të shpenzojnë edhe në taksitë e qytetit.
Disa nga ta thonë se për shkak të relacioneve të papërshtatshme të transportit publik dhe për shkak të çmimit të taksive, ata rrugën e bëjnë në këmbë.
Shpenzime të shumta të transportit rrugor, kanë edhe studentët që qëndrojnë nëpër banesa private.
Edhe
Linja për Aeroport çdo 2 orë, qytetarët kërkojnë të ketë autobusë më shpesh
Sipas drejtorit të Qendrës Studentore në Prishtinë, Fatmir Sfishta, komuna duhet të subvencionojë udhëtimin e studentëve dhe të krijojë linja të përshtatshme për ta.
I pari i kësaj qendre shpreh se një hap i mbarë drejt kësaj rruge do të ishte edhe karta studentore, të cilën e kanë realizuar shumë vende të rajonit. Me anë të kësaj karte, studentët universitarë do të përfitonin shërbime falas ose me çmim të reduktuar. Mirëpo, ai thotë se e gjitha kjo është në dorë të Komunës të Prishtinës dhe Drejtorisë së Arsimit.
