Partia Fjala kundër Paradës së Krenarisë, e quan paradë të turpit

Partia Fjala kundër Paradës së Krenarisë, e quan paradë të turpit

10 October 2019 10:51

Partia Fjala përmes një konference për media ka dalë sot kundër Paradës së Krenarisë të paralajmëruar për sot nga komuniteti LGBTI.

Përfaqësues të kësaj partie, Bedri Bytyçi e Nderim Sejdiu, thanë se kemi dalë këtu për të shprehur qëndrimin tonë lidhur me paradën e "krenarisë", që do të mbahet sot në Prishtinë".

Ata u shprehen se kjo paradë e organizuar nga komuniteti LGBT nuk paraqet fare elemente të krenarisë, por përkundrazi kjo është një paradë e turpit dhe si e tillë nuk duhet të organizohet fare në vendin tonë.

Ne, Partia Fjala jemi parti konservatore. Edhe ne ashtu sikur edhe partitë e tjera konservatore në Bashkimin Europian, Shtetet e Bashkuara të Amerikës dhe kudo në botë jemi kundër martesave të personave të gjinisë së njëjtë.

Ne, sikur edhe gjithë partitë konservatore nëpër botë, konsiderojmë se homoseksualizmi, lezbizmi dhe martesat e tyre mes veti rrezikojnë popullin dhe shtetin tonë.

Populli ynë dhe shteti ynë Kosova në vitet e pasluftës është duke u përballur me rënie të numrit të popullsisë .

Komuniteti LGBT do ta fundos edhe më shumë popullin dhe shtetin tonë, ngase nuk kanë mundësi të lindin fëmijë.

Kështu komuniteti LGBT do ta vrasë edhe më shumë popullin dhe shtetin tonë.

Ata i kanë të drejtat e tyre, askush nuk i pengon, por të dalin e të promovohen nëpër sheshe, të na promovojnë si vlerë diçka të pavlershme, diçka të pazakontë, kjo nënkupton si ngacmim i pjesës së madhe të shoqërisë, diçka që bie ndesh me traditën, kulturën, të kaluarën, fetaren e kombëtaren tonë!

Në Kosovën e Adem Jasharit, Mulla Idriz Gjilanit, Ymer Prizrenit e Haxhi Zekës të kemi këso parada e javë të krenarisë është non sens dhe jashtë çdo parashkimi që heronjtë e këtij vendi kanë mundur ta imagjinojnë.

Ne e kundërshtojmë këtë paradë dhe kërkojmë që institucionet përgjegjëse që t'i ndalojnë promovimet e tilla dhe në të ardhmen mos të kemi organizime të ngjashme!

Mos të harrojmë se personat që i përkasin komunitetit LGBT i kanë të garantuara të drejtat e tyre me kushtetutë.

Prandaj e konsiderojmë se ky komunitet tani nuk ka nevojë të dalë në rrugë dhe para kamerave tona që të na dëshmojë se kush janë.

Dalja e tyre në rrugë përmes paradës është provokim dhe ofendim për gjeneratat e reja në veçanti dhe popullin e Kosovës në përgjithësi.

Ne Fjala kërkojmë që institucionet e Republikës së Kosovës, konkretisht kryeministri dhe kryetari i Prishtinës ta ndalojnë këtë paradë.

Ngase parada e komunitetit LGBT është fyerje për popullin tonë dhe shtetin tonë.

Kjo paradë shkelë kulturën dhe traditën tonë.

Kjo paradë shkel mbi gjakun e dëshmorëve të cilët u flijuan për popullin dhe shtetin tonë, thanë ata gjatë konferencës së tyre me gazetarët.

Komentet

Shto koment

Të ngjashme