Kërkohet që transportuesit publikë ta vendosin shenjën “50 km në orë”

06 April 2019 14:34

50 kilometra në orë është maksimalja që një automjet, përveç atyre të shërbimeve urgjente, mund të ngasë nëpër Prishtinë.

Por, të gjithë autobusët e Trafikut Urban kanë të vendosur shenjën 85 km në orë.

Kjo, për qytetarët, është absurde.

Zyrtarë të policisë për trafik në rajonin e Prishtinës, thonë se autobusët duhet të kenë të vendosur shenjën që përkon me shpejtësinë e lejuar në qytet, raporton “038” i KTV-së.

Ndërkohë, kryeshefi i ndërmarrjes, Lulzim Rexhepaj, ka thënë se shenja 85 km në orë ka qenë e vendosur nga fabrika.

Derisa Ligji për Transportin Publik obligon transportuesit publikë të vendosin këtë shenjë, janë të shumtë operatorët që nuk e respektojnë atë.

© KOHA. Të gjitha të drejtat janë të rezervuara.

Komentet

Shto koment

Të ngjashme