Komuna subvencionon “Hortikulturën” me pajisje në vlerë prej 200 mijë eurove Foto: Koha

Komuna subvencionon “Hortikulturën” me pajisje në vlerë prej 200 mijë eurove

21 November 2018 11:15

Komuna e Prishtinës ka subvencionuar ndërmarrjen publike “Hortikultura” me makineri për mirëmbajtjen e hapësirave të gjelbra në kryeqytet.

Ky donacion përmban kamion për bartjen e ujit, dy traktorë për ujitje, dy kamioneta dhe pajisje tjera për mirëmbajtjen e barit në vlerë prej rreth 200 mijë euro, raporton KTV.

Kryetari i Prishtinës, Shpend Ahmeti, i cili vizitoi sot këtë ndërmarrje, bëri të ditur se në hapësirat e kryeqytetit do të mbillen edhe 6 mijë e 700 drunj dekorativ.

Ahmeti ka paralajmëruar se përmes Drejtorisë se parqeve do të fillojnë një program për menaxhimin e hapësirave gjelbëruese në aspektin e politikave, ndërsa “Hortikultura”, sipas tij, do t’i zbatonte këto politika.

Ndërsa Drejtori i ndërmarrjes “Hortikultura”, Isak Rakovica, tha se këto makineri do t’u ndihmojnë që t’i menaxhojnë më mirë këto hapësira. /Meti Krasniqi/

© KOHA. Të gjitha të drejtat janë të rezervuara.

Komentet

Shto koment

Të ngjashme