Mike Tyson ende po e planifikon meçin e boksit me Floyr Mayweatherin.
Ish-kampioni i padiskutueshëm i botës në kategorinë e rëndë, Tyson, ka thënë se ka zhvillime lidhur me luftën me Mayweatherin.
“Po, po ndodhë”, ka thënë Tyson.
Ai ka shtuar se ishte Mayweather që e sfidoi për të boksuar .
Në shtatorin e kaluar fillimisht u shkrua për një luftë të dy legjendave.
Mayweatheri është pensionuar në vitin 2017. Prej atëherë i ka zhvilluar tetë luftëra ekzibicionale, së fundi në vitin 2024.
Tysoni është 59-vjeçar dhe prej emrave më të mëdhenj të boksit në histori. I ka dhënë fund karrierës në vitin 2005, por në vitin 2024 zhvilloi meç me Jake Paulin, personazhin e njohur të YouTube. Humbi por fitoi shumë miliona.
Mayweather është 48-vjeçar.
Një meç mes tyre do të ofronte për të dy fitim të majmë.