Hrgoviq, kampion i botës në boks
Kroati Filip Hrgoviq është kampion i botës në boks në kategorinë e rëndë, në versionin IBF.
Hrgoviq të shtunën mbrëma në Londër mposhti Moses Itauman me nokaut në raundin e nëntë.
Itauma ka dominuar shtatë raunde.
Por u lodh.
Hrgoviq nisi kthimin në raundin e tetë dhe në të nëntin dha goditje të cilave Itauma nuk u rezistoi. Ai nuk mundi të qëndronte në këmbë dhe gjyqtari ndërpreu meçin.
Çfarë meçi mes Itaumas e Hrgoviqit
Në raundin e tetë Itauma ka dhënë shumë goditje të forta.
Por kroati Hrgoviq ka rezistuar.
Për më tepër ka kthyer goditjet fare në fund.
I lodhur duket tani edhe Itauma.
Raundi i shtatë, s’ndalen Itauma e Hrgoviq
Ka përfunduar edhe raundi i shtatë i meçit Itauma – Hrgoviq.
Itauma ka dhënë goditje të shumta, por kroati Hrgoviq po reziston.
Raundi i gjashtë – Itauma godet, Hrgoviq përgjigjet
Top-meç po zhvillojmë Itauma e Hrgoviq.
Në raundin e gjashtë për kohë të gjatë dominoi Itauma.
Por në fund reagoi edhe kroati me disa goditje të forta.
Goditje të shumta në raundin e pestë
Sa shkon e bëhet më interesant meçi Itauma – Hrgoviq.
Në raundin e pestë boksierët kanë shkëmbyer goditje të shumta, disa prej tyre shumë të forta.
Raundi i katërt, Itauma kthen dominimin
Itauma e ka kthyer dominimin në raundin e katërt të meçit ndaj Hrgoviqit.
Britaniku 21-vjeçar ka dhënë goditje të shumta.
Raundi i tretë, a po kthehet Hrgoviqi?
Ka përfunduar raundi i tretë në meçin Itauma – Hrgoviq.
Kroati Hrgoviq ka dhënë shenjat e para se e meriton titullin e botës. Po ashtu Itauma ka provuar forcën e disa prej goditjeve të Hrgoviqit.
Raundi i dytë, i numërohet Hrgoviqit
Itauma ka vazhduar dominimin e plotë ndaj Hrgoviqit.
Madje kroatit iu numërua. Itauma dha shumë goditje gjatë gjithë raundit.
Po i afrohet fitores.
Raundi i parë, Itauma me goditje të rrezikshme
Ka përfunduar raundi i parë i meçit Moses Itauma – Filip Hrgoviq.
Britaniku Itauma ka dominuar plotësisht duke dhënë disa goditje të rrezikshme. Ai është shfaqur shumë më i shpejt se kroati.