NISMA shkel masat anti-COVID në tubimin përmbyllës në Malishevë

Me shkelje të shumta të masave anti-COVID është shoqëruar tubimi përmbyllës elektoral i Nismës Socialdemokrate në Malieshevë.

Në këtë tubim, ku ishte i pranishëm edhe kryetari i kësaj partie Fatmir Limaj, shumica e pjesëmarrësve nuk kanë pasur maska e as distancë mes vete, siç është e paraparë me masat në fuqi.

Madje, aty nuk është respektuar as masa që nuk lejon tubimin e më shumë se 30 personave brenda hapësirave të mbyllura.

Malisheva është komuna e vetme që udhëhiqet nga NISMA.

Zgjedhjet lokale në Kosovë mbahen të dielën, derisa sot është dita e fundit e fushatës zgjedhore. 

{gallery}