Viti i kaluar ishte më viti i dytë më i ngrohtë në Tokë që kur kanë nisur mbajtjet e shënimeve, dhe bota duhet të përgatitet për mot edhe më ekstrem që do të çojnë në ngjarje sikurse djegiet e pyjeve që po ndodhin në Australi, ka thënë Organizata Botërore e Meteorologjisë (WMO).
WMO, me bazë në Gjenevë, ka kombinuar disa të dhëna, përfshirë dy nga administrata hapësinore amerikane NASA dhe Zyra e Meteorologjisë Britanike.
Këto të dhëna treguan se temperatura mesatare globale më 2019 ishte 1.1 gradë Celsius (2.0 Fahrenheit) mbi nivelet para-industriale, duke tejkaluar limitin e pajtuar globalisht pas së cilit ndryshime të mëdha në jetën në Tokë janë të pritshme, raporton Reuters.
“Fatkeqësisht, ne presim të shohim mot edhe më ekstrem gjatë 2020-ës dhe në dekadat e radhës, të nxitura nga nivele rekorde të lirimit të gazrave serrë në atmosferë”, ka thënë Sekretari i Përgjithshëm i WMO-së, Petteri Taalas, transmeton Koha.net.
Australia ka përjetuar vitin e saj më të ngrohtë e më të thatë ndonjëherë – parakusht për djegie pyjesh.
Shkencëtarët thonë se ndryshimet klimatike me gjasë mund të kenë kontribuuar në këtë mot ekstrem më 2019 siç ishte vala e të nxehtit në Evropë dhe uragani që vrau së paku 50 persona kur goditi shtetin Bahamas në shtator.
Edhe
Dekada e fundit, më e nxehta e regjistruar në Tokë
WMO më herët ka thënë se mund të pritet ngritje edhe më të mëdha temperaturash – 3-5 Celsius (5.4-9.0 Fahrenheit) – nëse nuk bëhet asgjë për të ndaluar rritjen e emetimeve të dëmshme, të cilat arritën një rekord të ri më 2018.
Viti më i ngrohtë ndonjëherë ishte 2016-ta, kur temperaturat mesatare të sipërfaqes arritën në 1.2 Celsius (2.2 Fahrenheit) mbi nivelet para-industrial, tha WMO.
