Prej shekujsh njerëzimi i ka përdorur ushqimet pikante si një burim freskie.
Sipas ekspertëve sekreti i freskisë që nxit një ushqim pikante bazohet te djersa.
Specat djegës të cilat janë baza e një ushqimi pikant përmbajnë kapsaicinë.
Kur ajo tretet, kapsaicina nxit një reagim nervor.
Sipas ekspertëve amerikanë, ushqimet pikante ndezin receptorët e lëkurës që reagojnë ndaj nxehtësisë.
Edhe
Pse djersiteni më shumë se më parë? Shenjat që mund të tregojë trupi
Këto receptorë aktivizohen dhe njeriu djersin dhe skuqet, ndërsa enët e gjakut zgjerohen.
Temperatura e trupit rregullohet nëpërmjet djersës
Djersitja është metoda kryesore e organizmit për të rregulluar temperaturën e brendshme.
Avullimi i djersës eliminon nxehtësinë e brendshme dhe pasohet me një ulje të temperaturës.
Kësisoj, sipas ekspertëve, konsumi i ushqimeve pikante bashkë me pirjen e ujit janë metodat më të shpejta dhe më efikase për një freski të organizmit.
Efekti i një pije të ftohtë nuk zgjat shumë në organizëm
Në ditët përvëluese të vapës, ideja më e mirë për freski të menjëhershme është që të pimë ose hamë diçka të ftohtë.
Uji i ftohtë, shalqiri apo akullorja duken shumë tunduese në një ditë të nxehtë.
Megjithatë, efekti freskues i tyre nuk zgjat shumë dhe shumë shpejt njeriu do të ndihet i nxehtë sërish.
Edhe
Uji i ftohtë në kyçet e dorës për freskim të menjëhershëm
Kjo ndodh sepse me konsumin e ushqimeve dhe pijeve të lartpërmendura, temperature e brendshme ulet shumë shpejt.
Trupi reagon duke rritur temperaturën e brendshme për të kompensuar uljen e menjëhershme të saj.
Në këtë mënyrë, njeriu do të ketë vapë shumë shpejt.
Ushqimet pikante funksionojnë ndryshe.
Ato e rrisin temperaturën e brendshme si reagim ndaj asaj të jashtme.
Qarkullimi i gjakut rritet, njeriu ndihet më i nxehtë dhe nis të djersijë, kryesisht në fytyrë dhe më pas në të gjithë trupin.
Ndikimi i parë i rregullimit të temperaturës vërehet në fytyrë pas aktivizimit të gjëndrave të shijes.
Më pas kur djersa avullon, njeriu ndihet më i freskët.
Edhe
Djersitja çon në humbje të kaliumit, magnezit dhe glukozës – Si duhen zëvendësuar
Ideja e ngrënies së diçkaje pikante mund të tingëllojë e bezdisshme sepse askush nuk ka qejf të djersijë, sidomos kur është duke ngrënë.
Megjithatë, ajo funksionon dhe për hir të freskisë, duhet provuar./AgroWeb.org
