Në kohën kur bota po përballet me temperatura rekorde, njerëzit po shikojnë në internet për të gjetur mënyra për t’i shfrytëzuar sa më mirë kondicionerët e ajrit. Megjithatë, jo të gjitha metodat janë zgjidhje e mençur për sistemin e ftohjes.
“BusinessInsider” ka përpiluar një listë se si të shfrytëzoni më mirë kondicionerët për t’i ikur vapës:
Hije përmbi kondicioner
Fotografi e video të vendosjes në hije të pajisjes së jashtme të kondicionerit kanë shpërthyer së fundmi, pasi që njerëzit po përpiqen ta mbajnë sa më ftoftë sistemin e ftohjes, në mënyrë që të funksionojë pa telashe. Një uebfaqe e ekspertëve në Facebook raportoi se “ka dallim të dukshëm në ftohje dhe shpenzime, kur pajisja gjendet në temperaturë më të ulët”.
Mbyllja e dyerve në dhoma bosh
Edhe
Evropa gjithnjë e më e nxehtë, por gjermanët po refuzojnë kondicionerin – pse?
Njerëzit besojnë që mbyllja e plotë e dhomave bosh do t’u kursejë para nëpërmjet operimit të kondicionerit. Megjithatë, kjo sipas ekspertëve nuk është e vërtetë. “Problemet më të zakonshme të kondicionerëve ndodhin kur dhomat janë të mbyllura tërësisht dhe qarkullimi i ajrit në shtëpi pengohet”, ka thënë Departamenti Amerikan i Energjisë, në një raport për kursime të energjisë.
Mos e ulni temperaturën deri në fund
Menaxheri i “New York Mechanical & Cooling”, Anthony Arnica, ka rekomanduar që termostati të ndalet në “temperaturë normale” në vend të uljes së temperaturës deri në fund. Sipas tij, temperatura e rekomanduar është 24 gradë celsius.
Ndërrimi i filterëve
Pavarësisht ku gjendet pajisja, në dritare, mur apo tavan, duhet t’i ndërroni filterët, sipas Arnicas. Ai ka rekomanduar pastrimin e pajisjeve të vendosura në mur çdo muaj, dhe njësinë qendrore çdo tre muaj. Filteri i ndotur shkakton pengesa në punë, shpenzon më shumë energji e edhe rrymë.
Edhe
Evropa nën temperatura ekstreme, vetëm 20% e shtëpive kanë kondicioner
Organizoni mirëmbajtjen
“Të gjithë ju thërrasin kur të prishet pajisja”, ka thënë Arnica që ka rekomanduar të organizohet një lloj mirëmbajtje sezonale varësisht nga sistemi. “Organizimi i mirëmbajtjes së rregullt parandaluese është mënyra më e mirë për të siguruar funksionimin më të mirë të kondicionerit”, ka thënë eksperti i produkteve të kondicionerëve, Mark Woodruff.
