Shkencëtarët kanë “printuar” në një hulumtim të ri indet e syve, për të ndihmuar në gjetjen e mënyrave për të ndaluar njerëzit që të verbohen.
Studimi i ri përdori qelizat burimore të pacientit dhe teknikat e “bioprintimit 3D” për të krijuar inde të reja të syve që më pas mund të përdoren në kërkime.
Ai i lejoi shkencëtarët të printonin një grup qelizash që së bashku përbëjnë barrierën gjak-retinë, e cila në vetvete është indi i syrit që ndihmon receptorët që ndjejnë dritën, raportoi “The Independent” të enjten.
Zbulimi i lejon shkencëtarët që teorikisht të bëjnë sa më shumë inde që duan, duke i ndihmuar ata të studiojnë sëmundjet. Shkencëtarët mund të krijojnë pjesë të reja të syve që do t'i lejojnë ata të shikojnë sëmundjet degjenerative të syve që mund t'i bëjnë njerëzit të verbër, për shembull.
Hulumtimet e mëparshme në këto sëmundje, të tilla si AMD, ose degjenerimi makular i lidhur me moshën janë penguar për shkak të vështirësive që të mblidhen materiale nga njerëzit.
Studiuesit ishin në gjendje të përdornin indin e printuar të syrit për të ekzaminuar më mirë se si fillon ky proces. Ata ishin në gjendje të shikonin sesi ndodhnin ndryshime që ishin teorizuar më parë, por që nuk u vërtetuan asnjëherë.
Edhe
Implanti revolucionar ndihmon të verbërit të lexojnë sërish
Për të krijuar indin e syrit, shkencëtarët duhej të gjenin një skelë rreth së cilës ta varnin, si dhe ta printonin në një model të qëndrueshëm.
Vitet e fundit janë rritur emocionet për printimin 3D në aplikimet biomjekësore, duke përfshirë kërkimin mbi sytë. Shkencëtarët shpresojnë të jenë në gjendje të krijojnë inde anatomike në lloje të ndryshme qelizash dhe biomaterialesh.
