Një laborator, me qendër në Wuhan, vendin ku shpërtheu pandemia e koronavirusit, është duke kryer disa eksperimente mbi lakuriqët e natës, kafsha nga e cila besohet se erdhi Covid-19.
Të dhënat e para tregojnë se Instituti i Virologjisë Wuhan ndërmori eksperimente mbi lakuriqë të kapur më shumë se 1.000 milje larg në Yunnan, financuar nga një grant prej 3.7 milion dollarë nga qeveria amerikane.
Sekuencimi i gjenomit Covid-19 e ka gjurmuar atë te lakuriqët që gjenden në shpellat e Yunnan. Kërkimet po bëhen gjithashtu pasi shumë zyrtarë mendojnë se ky virus ka dalë gabimisht ose edhe me qëllim nga disa laboratorë.
Burime të larta të qeverisë thanë për Daily Mail se ndërsa ‘ekuilibri i këshillave shkencore’ ishte akoma që virusi vdekjeprurës u transmetua tek njerëzit nga një treg i kafshëve të gjalla në Wuhan, aksidentet në labortore askush nuk po i përmendte.
Të gjitha procedurat e marrjes së mostrave janë kryer nga veterinerët me miratim nga Komiteti i Etikës së Kafshëve të Institutit të Virologjisë Wuhan.
Ende nuk ka një të dhënë të mirëfilltë shkencore që tregon se lakuriqët janë mbartësit e parë të koronavirusit.
-
Shkencëtarët kinezë më në fund publikojnë informacionet për origjinën e COVID-19
-
OBSH-ja dhe Kina për origjinën e COVID-19: Rrjedhja laboratorike është e pamundur
-
Shkencëtari gjerman i bindur se COVID-19 doli nga laboratori në Wuhan
-
Misteri Covid-19: “Pacienti zero” punonte në laboratorin kinez? Ç’thuhet nga shkencëtarët
-
OBSH-ja beson se koronavirusi ka origjinën nga lakuriqët në Kinë