Salmoni njihet si peshk shumë i shëndetshëm pasi që është i pasur me acidin yndyror omega3.
Ky acid mbron organizmin nga formimi i kolesterinës, e cila mund të bllokojë enët e gjakut duke mos e lënë atë të qarkullojë si duhet dhe si pasojë mund të krijojë ndonjë sëmundje të zemrës.
Salmoni njihet si burim i mirë i kaliumit, i cili është një mineral i rëndësishëm që balancon presionin e gjakut për t’i ndihmuar shëndetit të zemrës.
Dietologët rekomandojnë që salmoni të futet në ushqimet që njerëzit i konsumojnë rregullisht, pasi që studimet kanë treguar rezultate pozitive, raporton Daily Mail.
Një studim që është bërë së fundmi në Universitetin e Colorados është gjetur se salmoni përmban katër faktorë që mund të zvogëlojnë rrezikun nga lloji i keq i kolesterinës.
Studimi që i publikua në “Journal of Nutrition” ka kërkuar nga 41 pjesëmarrës të ushqehen me dietën mesdhetare, e cila përfshin salmon, drithëra të plota dhe fruta e perime.
Pjesëmarrësit që ishin me mbipeshë u testuan para dhe pas studimit. Ata që hëngrën më shumë salmon patën rezultate të mira të analizave si dhe peshë më të ulët pasi kishin ndjekur dietën mesdhetare.
4 këshilla për ushqim për ta mbrojtur zemrën dhe shëndetin afatgjatë
Studimi ka treguar se vlerat ushqyese që gjenden në salmon zvogëlojnë rrezikun nga sëmundjet e ndryshme e sidomos nga kolesterina e lartë e cila mund të ndikoi për të keq tek tensioni i lartë i gjakut si dhe të shkaktojë sëmundje të zemrës.
Salmoni më i shëndetshëm konsiderohet ai i Oqeanit Paqësor.
