Studiuesit kinezë kanë klonuar për herë të parë një majmun rezus, specie që përdoret gjerësisht për hulumtime mjekësore sepse fiziologjia e tij është e ngjashme me njerëzit, raporton “BBC” të martën.
Ata thonë se mund të përshpejtojnë testimin e ilaçeve me këtë, pasi kafshët gjenetikisht identike japin rezultate të ngjashme, duke ofruar siguri më të madhe për prova.
Përpjekjet e mëparshme për ta klonuar një majmun rezus nuk kishin çuar në lindje apo ata ngordhën disa orë pas lindjes.
Një grup i mbrojtjes së mirëqenies së kafshëve ka thënë se është “thellësisht i shqetësuar” nga zhvillimet.
Në klonim, përdoren teknika për të krijuar një kopje identike të një kafshe të vetme.
Edhe
Zbulohet një specie e re majmuni
Kafsha më e famshme e klonuar, delja Dolly, u krijua në vitin 1996.
Shkencëtarët riprogramuan një qelizë nga një dele tjetër për ta kthyer në embrione. Këto embrione më pas i vendosën te nëna surrogate e Dollyt.
Studiuesit kinezë, duke shkruar në revistën “Nature”, kanë thënë se bënë në thelb të njëjtën gjë me rastin e klonimit të një majmuni rezus. Ata thonë se kafsha ka mbetur e shëndetshme për më tepër se dy vjet, duke treguar se procesi i klonimit ishte i suksesshëm.
Doktori Falong Lu nga Universiteti i Akademisë Kineze të Shkencave, tha për BBC News se të gjithë janë shumë të lumtur me rezultatin.
Por, një zëdhënës i organizatës britanike për mbrojtje të kafshëve, RSPCA, ka thënë se organizata beson se vuajtja e shkaktuar te kafshët tejkalon çdo përfitim të menjëhershëm për njerëzit.
Edhe
Njerëzit kundër majmunëve: Beteja e Azuminos për bashkëjetesë me natyrën
Majmunët rezus gjenden në natyrë në Azi, nga Afganistani, te India, Tajlanda, Vietnami e Kina. Përdoren në eksperimente për t’i studiuar infeksionet dhe imunitetin.
Majmunët e parë makak u klonuan në vitin 2018, por majmunë rezus janë të preferuar për studiuesit mjekësorë, për shkak të ngjashmërisë së tyre gjenetike me njerëzit.
