Kafeja e pazakontë italiane me vaj ulliri

Vendosja e vajit të ullirit në kafe nuk është një traditë në Itali, por kjo nuk e ndaloi drejtorin ekzekutiv të përkohshëm të Starbucks, Howard Schultz, të sillte në treg një seri pijesh që bëjnë pikërisht këtë në Milano, qyteti që frymëzoi perandorinë e tij të kafeneve.

Vendosja e vajit të ullirit në kafe nuk është një traditë në Itali, por kjo nuk e ndaloi drejtorin ekzekutiv të përkohshëm të Starbucks, Howard Schultz, të lançonte një seri pijesh që bëjnë pikërisht këtë në Milano, qyteti që frymëzoi perandorinë e tij të kafeneve.

Përzierja kafe-vaj ulliri - duke i bërë jehonë një tendence të frymëzuar nga shtimi i gjalpit në kafe, vetëm me një kthesë të ëmbël - ka provokuar dëfrim dhe kuriozitet tek italianët.

Gambero Rosso, një revistë italiane e ushqimit dhe verës, e quajti përzierjen e vajit të ullirit me kafenë "një kombinim kurioz", por tha se ishte i rezervuar gjykimi, pasi nuk kishte provuar ende pijet.

Ai lavdëroi shfaqjen e elementit kryesor të kuzhinave italiane si një përbërës kryesor, jo thjesht një erëz. Revista vuri në dukje gjithashtu përfitimet shëndetësore të konsumimit të vajit të ullirit ekstra të virgjër, të cilin disa italianë e bëjnë zakonisht direkt nga shishja.

“A kishim nevojë për kafe me vaj ulliri ekstra të virgjër dhe shurupe? Ndoshta po, ndoshta jo”, ka shkruar Michela Becchi e revistës. Por shansi për të promovuar përsosmërinë italiane është e vlefshme, shtoi ajo.

Shoqata e prodhuesve të vajit të ullirit të Italisë, ASSITOL, mirëpriti "risinë e guximshme", duke thënë se linja e pijeve mund të "rifillojë imazhin e vajit të ullirit, veçanërisht tek të rinjtë". Shoqata ka promovuar shtimin e vajit të ullirit në kokteje.

Martina Lunardi, një studente e ndërmjetësimit kulturor, po i përmbahej cappuccinos standarde të saj në një vizitë të fundit në Starbucks, por tha se nuk ishte ofenduar nga kombinimet e vajit të ullirit dhe madje mund ta provonte një ditë.

"Sidoqoftë, unë e di se ku mund të marr një filxhan kafe të rregullt", tha Lunardi.

Schultz erdhi me nocionin e shtimit të vajit të ullirit në kafe pasi vizitoi një prodhues të vajit të ullirit në Siçili dhe ngacmoi idenë si një ndryshim i lojës në thirrjen e tij të fundit të fitimeve. Ai punoi me një zhvillues të brendshëm të kafeve për të gjetur receta, tha zinxhiri ndërkombëtar i kafesë.

Schultz kryesoi prezantimin e "Oleato" - që do të thotë "i vajosur" në italisht - javën e kaluar në prag të Javës së Modës në Milano, me një performancë të Lizzo-s për një turmë vetëm me ftesë në Roastery të kompanisë në Milano. Pijet do të shpërndahen në Kaliforninë Jugore këtë pranverë dhe në Japoni, Lindjen e Mesme dhe Britani më vonë këtë vit.

Gazeta La Stampa në Torino testoi katër prej pijeve, duke u dhënë atyre notat nga 6.5 deri në 7.5 në një shkallë prej 10. Ajo vuri në dukje se e vetmja pije e ngrohtë në menu, një version i kafesë latte, “ka një shije të fortë që lë një shije të këndshme në gojë. Nota: 7”.

“Ndjesia (pozitive) është se Oleato mund të jetë diçka për ta pirë gjatë gjithë vitit, por mbi të gjitha mund të jetë vërtet e shijshme në verë”, tha La Stampa, sepse shumica shërbehen me akull.

Turistët që dynden në Roastery në Milano joshen t'i provojnë pijet me pankarta rreth dyqanit dhe një menu të veçantë që reklamon asortimentin me pesë pije, i cili varion nga 5.50 euro në 14 euro për një version martini me vodka.

"Është e mirë", tha Benedikte Hagen, një norvegjeze e cila kohët e fundit u transferua në Milano për të ndjekur një karrierë modelimi. "Unë nuk jam një adhuruese e madhe e kafesë, prandaj më pëlqen të provoj pije të tilla".

Ajo po pinte Oleato Golden Foam Cold Brew, e cila përfshin shurupin e vaniljes dhe tha se nuk mund ta shijonte vërtet vajin. Megjithatë, ajo pranoi se i kërkoi baristes të shtonte çokollatë për ta bërë pijen edhe më të ëmbël dhe do të kishte shtuar edhe karamele nëse do të ishte në dispozicion.

"Nuk është aq e zakonshme", vendosi Hagen.

Ndërkohë, Oleato Iced Cortado i Kaya Cupial ishte në një gotë të bukur në formë V-je dhe e zbukuruar me një lëvozhgë portokalli. Është bërë me qumësht tërshëre të mbushur me vaj ulliri, shurup demerara dhe pak pika të hidhura portokalli.

“Është si kafe e zakonshme, por me portokall. Nuk është e fortë”, vuri në dukje 26-vjeçari nga Varshava, Poloni, i cili po udhëtonte me një grup miqsh. Ata porositën gjithashtu Golden Foam Cold Brew së bashku me cappuccino të zakonshëm.

Nuk është hera e parë që Italia frymëzon Schultz-in. Ai e di fort mirë për borxhin ndaj bar-kafe në Milano, të cilin e zbuloi gjatë një udhëtimi në Itali në vitin 1983, si frymëzimin e tij për ndërtimin e zinxhirit të kafesë, tashmë globale.

Përktheu: Forca Jashari