Agjencia Evropiane e Barnave (EMA) e ka miratuar të hënën (4 tetor) dozën përforcuese të vaksinës kundër COVID-19, Pfizer/BioNTech, për të gjithë personat 18 vjeç e lart.
"Doza përforcuese mund të merret të paktën gjashtë muaj pas dozës së dytë", tha EMA në një deklaratë.
Ekspertët e ilaçeve të EMA-s vendimin e kanë bazuar në të dhënat e ekspertëve se niveli i antitrupave rritet kur jepet një dozë përforcuese.
"Rreziku i efekteve inflamatore të zemrës ose efekteve të tjera anësore, shumë të rralla, pas një doze të tretë nuk dihen dhe po monitorohen me kujdes", shtoi agjencia.
Në disa raste të rralla tek të rinjtë, pas marrjes së dozës së tretë është paraqitur miokarditi, një inflamacion i muskujve të zemrës.
EMA gjithashtu vendosi që njerëzit me sistem të dobësuar imunitar mund të marrin dozë shtesë të vaksinës Moderna dhe Pfizer të paktën 28 ditë pas dozës së tyre të dytë.
Edhe
EMA në fillim të tetorit vendos për dozën e tretë të vaksinës anti-COVID
Dy doza ndonjëherë nuk janë të mjaftueshme për të prodhuar antitrupa të mjaftueshëm te njerëzit me imunitet të dëmtuar.
Edhe pse deri më tash EMA nuk kishte dhënë miratimin për dozën përforcuese të vaksinës, disa vende të BE-së tashmë e ofrojnë një mundësi të tillë për qytetarët e tyre.
-
Miratohet përforcuesi i Pfizer për adoleshentët mbi moshën 12 vjeç
-
FDA-ja autorizon dozën përforcuese anti-COVID për të gjithë të rriturit
-
FDA-ja jep lejen për kombinimin e vaksinave COVID dhe për dozat përforcuese të Modernas e J&J
-
Rregullatori amerikan përkrah dozën përforcuese për disa kategori të popullsisë