Tërshëra është shpallur prej kohësh si një mëngjes pothuajse i përkryer, një vakt që është i shëndetshëm dhe në të njëjtën kohë i shijshëm.
Megjithatë, ekziston një efekt anësor befasues i konsumimit të tërshërës të cilin nuk e dinë as njerëzit që e kanë ngrënë atë çdo ditë prej vitesh, raporton portali “Eat This, Not That”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNjë nga përfitimet më të mëdha që do t’i merrni nga tërshëra (përfshirë drithërat integrale dhe fibrat dietike që mbështesin shëndetin e zemrës dhe zorrëve) është se ndiheni të ngopur ndërmjet vakteve.
Një studim i publikuar në vitin 2015 në gazetën “Annals of Nutrition and Metabolism”, zbuloi se individët që hanin tërshërë për mëngjes, konsumonin më pak kalori në drekë. Por ky nuk është përfitimi i vetëm që vjen me shtimin e tërshërës në dietën e përditshme.
Tërshëra mund ta përmirësojë performancën tuaj atletike
Tërshëra e rrit metabolizmin dhe mund ta përforcojë performancën atletike nëse hahet brenda një ore pas stërvitjes.
Tërshëra e përmirëson shëndetin e zemrës
Bollguri është i pasur me fibra të tretshme beta-glukan, shpjegojnë dietologët. Studime të shumta kanë lidhur fibrat dhe rolin e tyre të mundshëm në shëndetin kardiovaskular, duke përmirësuar nivelet e lipideve në gjak.
Tërshëra ndihmon për një tretje më të mirë
Shëndeti i zorrëve mund të ndikojë në mirëqenien e pothuajse çdo pjese tjetër të trupit, dhe për fat të mirë, tërshëra mund të jetë gjëja që ju nevojitet për një stomak më të shëndetshëm.
Përmbajtja e fibrave në këtë lloj drithi e përmirëson shëndetin e zorrëve dhe ju mban të ngopur. Në fakt në studimin e publikuar në vitit 2014 në gazetën “British Journal of Nutrition”, u zbulua se konsumimi afatgjatë i tërshërës ose krundeve të tërshërës ndikon pozitivisht në çrregullimet inflamatore të zorrëve.
Tërshëra gjithashtu e përmirëson sistemin imunitar
Përmbajtja e fibrave të tërshërës përmirëson shëndetin e zorrëve, duke shërbyer si një ushqim prebiotik për të ushqyer bakteret e shëndetshme të zorrëve që tashmë ekzistojnë. Ky fakt i vetëm e përmirëson imunitetin, e ulë rrezikun e sëmundjeve kronike dhe e zvogëlon inflamacionin në trup.