Një ndër pijet më të dashura dhe të famshme të fillimit të mëngjeseve plot energji.
Lëngu i portokallit përtej shijes së mirë dhe një pakete me vitamina që i dhuron trupit, funksionon si një kurë e vërtetë për sëmundje të veçanta, ku përfshihet gripi dhe e ftohura.
Lëngu i portokallit është i pasur me vitaminë C dhe flavonoide të cilat e bëjnë imunitetin më të fortë dhe të aftë për t’u përballur me virozat. Mësoni dy mënyra se si mund të përgatisni lëngun e portokallit, duke e kombinuar me përbërës të tjerë.
Receta1
• 250 ml lëng portokalli të freskët
• 125 ml ujë
• Një copë e vogël xhenxhefili të grirë
• Një majë luge çaji shafran
• Pak spec djegës dhe pak piper
Të gjithë përbërësit hidhini në një mikser dhe më pas në një tenxhere. Lërini të vlojnë për 5 minuta. Kurën pijeni të ngrohtë.
Edhe
Lëngje frutash dhe perimesh që ju mbrojnë nga gripi
Receta 2
• 125 ml lëng portokalli të freskët
• 60 ml ujë
• Një copë e vogël xhenxhefili të grirë
• Një majë luge çaji shafran indie
• Pak spec djegës dhe pak piper
• Një thelb hudhër i shtypur
Të gjithë përbërësit futini në një mikser dhe përpunojini për 30 sekonda. Lëngun hidheni në një kavanoz dhe pijeni gjatë gjithë ditës për të luftuar simptomat e të ftohurës dhe gripit. Të dyja kurat janë fantastike kundër virozave të stinës. Kjo për arsyen sepse bashkimi i portokallit me shafranin e Indisë, xhenxhefilin dhe specin e kuq djegës ofron një dozë të larmishme e të përqendruar vitaminash, mineralesh dhe antioksidantësh. Në një periudhë virozash dhe gripi, sistemi imunitar ka nevojë pikërisht për këto tre ushqyes të rëndësishëm. / AgroWeb
