Qetësuesit e fuqishëm sintetikë mund t'i nënshtrohen kufizimeve të reja evropiane, sugjeroi të mërkurën Komisioni Evropian.
"Komisioni Evropian ka propozuar që substanca e re psikoaktive furanylfentanyl t'i nënshtrohet masave kontrolluese në të gjithë Bashkimin Evropian", thuhet në një deklaratë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoFuranylfentanyl është analog i fentanilit i cili përshkruhet nga Instituti Kombëtar Amerikan për Abuzimin e Barnave si një analgjezik i fortë opioid sintetik, i ngjashëm me morfinën, por 50 deri në 100 herë më i fuqishëm.
Ai përdoret për të trajtuar pacientët me dhimbje të forta ose post-kirurgjikale, por është gjithashtu i hapur ndaj abuzimit.
Komisioni Evropian tha se furanylfentanyl ishte gjetur në 16 shtete anëtare dhe kishte shkaktuar 23 vdekje.
Opioidët e tillë dolën në dukje pas vdekjes së muzikantit të famshëm amerikan Prince në vitin 2016, i cili, sipas rezultateve të autopsisë, humbi jetën nga një mbidozë aksidentale e fentanilit.
Lidhur me çështjen, Komisioneri për Çështjet e Brendshme të BE-së, Dimitris Avramopoulos, është shprehur: "Rritja e disponueshmërisë së substancave të reja psikoaktive mbetet një sfidë e konsiderueshme e shëndetit publik në Evropë. Është kërcënim me zhvillim të shpejtë dhe jashtëzakonisht i rrezikshëm që mund të shkaktojë dëm serioz dhe madje edhe vdekje".
Avramopulos ka thënë se kundërpërgjigjet ndaj medikamentit duhet të jenë "po aq të shpejta dhe efektive".