Mjekët nuk reshtin së përsërituri rëndësinë e gjumit për mirëqenien fizike dhe mendore. Shumë studime konfirmojnë sa nevojë ka trupi për të paktën 7 orë gjumë në ditë që të rimëkëmbet dhe forcohet.
Në fakt, një prej këtyre studimeve thotë shprehimisht se njerëzit që flenë pak janë katër herë më të rrezikuar nga e ftohura se njerëzit që flenë sa duhet.
Mungesa e gjumit katërfishon rrezikun e virozave
Në një studim të fundit mjekësor, morën pjesë 164 njerëz, të prekur nga gripi.
Shkencëtarët mbikëqyrën ndikimin e faktorëve të ndryshëm në aftësinë e trupit për të mposhtur sëmundjen.
Rezultatet konfirmuan se pjesëmarrësit që flinin më pak se gjashtë orë në natë ishin katër herë më rëndë me gripin në krahasim me ata që flinin 7-8 orë. Për më tepër, njerëzit që flinin më pak se pesë orë në ditë ishin shumë herë më të rrezikuar nga sëmundja.
Mjekët tregojnë se gjumi ka një ndikim shumë të fortë dhe të painjorueshëm në organizëm.
Gjithçka shkon përtej ndjesisë së irritimit që lë mungesa e gjumit. Shëndeti fizik dhe ai mendor preket fort nga gjumi apo mungesa e tij.
Virozat në qarkullim
Virozat janë gjithë kohën në qarkullim. Viruset janë te doreza e derës, te kompjuteri, telefoni e në shumë vende dhe pajisje të tjera.
Ekspertët pranojnë se ndonëse njeriu është gjithë kohën i ekspozuar ndaj viruseve, nuk sëmuret gjithmonë. Kjo ndodh sepse sistemi imunitar bën punë kryesore për të luftuar sëmundjet.
Por ky sistem mbrojtës ka nevojë për pushim, dhe atë e merr vetëm nëpërmjet gjumit. /Agroweb
