Nëse po përpiqeni të hani më shëndetshëm, atëherë ka disa ushqime që duhet t'i shmangni për darkë.
Ngrënia e disa ushqimeve mund t'ju pengojë të bëni një gjumë të mirë gjatë natës ose të pengojë qëllimet tuaja për të humbur peshë. Pra, nutricionistët thonë se duhet të shmangni këto gjashtë ushqime, shkruan revista “Eat This, Not That”.
Ushqim me niseshte
Patatet, makaronat dhe orizi janë shembuj të ushqimeve me niseshte që hahen shumë shpesh për darkë, megjithatë, dietologët pohojnë se këto ushqime thjesht metabolizohen në sheqer dhe shkaktojnë rritje të sheqerit në gjak dhe insulinës. Kjo nuk është mirë sepse ushqimi nuk do të tretet për energji, por do të ruhet si yndyrë.
Ushqim pikant
Çuditërisht, ushqimi pikant nuk është i mirë për darkë. Nutricionistja Karen Berg ka thënë se ushqime të tilla mund të shkaktojnë probleme me gjumë, veçanërisht nëse qëndroni shtrirë për një kohë të gjatë pasi i keni ngrënë.
Karbohidratet e thjeshta
Edhe pse karbohidratet mund të jenë të mira për ju, ato zakonisht nuk janë të mira për t'u ngrënë në mbrëmje. Nutricionisti Kieron Foster shpjegoi se është një ushqim me indeks të lartë glicemik, që në thelb do të thotë se përthithet shpejt në qarkullimin e gjakut. Pra, nëse nuk ushtroni dhe përdorni ato sheqerna, ato do të kthehen në yndyrë dhe do të ruhen në trupin tuaj, gjë që do të rrisë peshën tuaj. Këtu përfshihen ushqime si patatet, makaronat, pica, ëmbëlsirat, pijet e gazuara, lëngjet e frutave, buka, shurupet, etj.
Ushqim i yndyrshëm
Sado të kënaqshme të jenë ushqimet me yndyrë, veçanërisht pas një dite të gjatë, duhet t'i rezistoni tundimit për t'i ngrënë për darkë. Berg shpjegoi se këto ushqime duhet të kufizohen si pjesë e një diete të shëndetshme, por më shumë gjatë natës, sepse ato janë të vështira për t'u tretur dhe lënë gjurmë në traktin tuaj gastrointestinal.
Alkooli
Nutricionistja Berg thotë se pirja e alkoolit mund t'ju bëjë të uritur dhe të keni dëshirë për karbohidrate. Nga ana tjetër, kjo mund të çojë në mbingrënie, e cila vetëm do ta përkeqësojë natën tuaj. Gjithashtu, megjithëse alkooli mund t'ju ndihmojë të bini në gjumë, hulumtimet tregojnë se ai ul ndjeshëm cilësinë e përgjithshme të gjumit.
Çokollatë
Edhe pse pothuajse të gjithëve u pëlqen të hanë çokollatë për ëmbëlsirë, Berg pohon se ajo ka kafeinë dhe mund t'ju pengojë të bini në gjumë.
