Shpresa shtohet kur vala e Omicronit të ngrejë imunitetin global
Organizata Botërore e Shëndetësisë ka lëshuar një deklaratë duke parashikuar një fund të “fazës urgjente” të pandemisë këtë vit, duke njoftuar që varianti Omicron ofron “shpresë të mjaftueshme për stabilizim dhe normalizim”
Tendencat inkurajuese pas dy vjetësh mjerimi nga koronavirusi kanë sjellë një ton të dukshëm shpresëdhënës për ekspertët e shëndetësisë. Parashikimet optimiste më parë ishin shkatërruar, mirëpo këtë herë ato mbështeten nga ajo që mund të quhet rreshtimi i argjendtë: Varianti tejet ngjitës do të lërë pas nivele jashtëzakonisht të larta imuniteti
Zyrtarët botërorë të shëndetësisë po japin shpresë që zbehja e valës së Omicronit mund t’i hapë rrugën një faze të re, më të menaxhueshme të pandemisë së COVID-19, edhe pse paralajmërojnë javë të vështira në vijim dhe mundësinë e shfaqjes së një varianti më të rrezikshëm.
Në SHBA rastet janë rritur e po bien me shpejtësi, duke ndjekur një model të parë në Britani dhe në Afrikën e Jugut, me studiuesit që parashikojnë një periudhë të përhapjes së ulët në shumë vende deri në fund të marsit. Megjithëse vdekjet në SHBA – tani në 2.000 çdo ditë – janë ende në rritje, pranimet e reja në spital kanë filluar të bien e kjo pritet të pasojë edhe në numrin e vdekjeve.
Tendencat inkurajuese pas dy vjetësh mjerimi nga koronavirusi kanë sjellë një ton të dukshëm shpresëdhënës për ekspertët e shëndetësisë. Parashikimet optimiste më parë ishin shkatërruar, mirëpo këtë herë ato mbështeten nga ajo që mund të quhet rreshtimi i argjendtë: Varianti tejet ngjitës do të lërë pas nivele jashtëzakonisht të larta imuniteti.
Variante të reja ka të ngjarë të shfaqen, ama me vaksinimin, terapitë e reja me ilaçe dhe – gjatë rritjeve – testime dhe maska, bota mund të arrijë një nivel më pak dërrmues
“Skenari më i mirë i mundshëm”
Të dielën, Dr. Anthony Fauci ka folur në ABC “This Week” rreth “skenarit më të mirë të mundshëm”, ku COVID-19 bie në nivele të menaxhueshme, e Shtetet e Bashkuara të Amerikës mund “të kthehen në shkallën e normalitetit”.
Kurse të hënën, Organizata Botërore e Shëndetësisë ka lëshuar një deklaratë duke parashikuar një fund të “fazës urgjente” të pandemisë këtë vit duke njoftuar që varianti Omicron ofron “shpresë të mjaftueshme për stabilizim dhe normalizim”.
Si Fauci ashtu edhe drejtori rajonal i OBSH-së për Evropën, Dr. Hans Kluge, paralajmëruan se variante të reja ka të ngjarë të shfaqen, ama me vaksinimin, terapitë e reja me ilaçe dhe – gjatë rritjeve – testime dhe maska, bota mund të arrijë një nivel më pak shkatërrues ku është virusi, që, sipas Faucit, “në thelb ai është i integruar në infeksionet e përgjithshme të frymëmarrjes me të cilat kemi mësuar të jetojmë”.
Në SHBA, rastet ende po arrijnë një mesatare ende jashtëzakonisht të lartë 680.000 në ditë, nga kulmi i të gjitha kohërave prej mbi 800.000 pak më shumë se një javë më parë.
Vendet në SHBA ku Omicroni ka goditur së pari po i shohin rëniet më të mprehta. Rastet e reja në verilindje janë duke rënë poshtë, teksa shtetet e tjera – Arizona, Teksasi, Oregon, Kansas dhe Dakota e Veriut mes tyre – ende janë duke pritur për lehtësim.
Rënie e hospitalizimeve
Rënie gjithashtu ka edhe në pranimet e reja në spitalet amerikane të pacientëve që janë konfirmuar me COVID-19. Mesatarja është diku rreth 20.000 në ditë, rreth 7% më pak nga një javë më parë, sipas Qendrave për kontrollin dhe parandalimin e sëmundjeve.
Këto shifra përfshijnë edhe pacientë që shkuan në spital për arsye të tjera dhe rezultuan pozitivë Mirëpo edhe pas llogaritjes së këtyre infeksioneve të rastësishme, tendenca është shpresëdhënëse.
Një model me ndikim parashikon që pothuajse të gjitha kombet do ta kalojnë valën Omicron deri në mes të marsit, duke përfshirë Kinën dhe vendet e tjera me politika “zero COVID”. Vala do të lërë pas nivele të larta imuniteti – si nga infeksioni ashtu edhe nga vaksinimi – që mund të çojë në nivele të ulëta të bartjes për shumë javë ose muaj.
"Me çfarë mbesim në fund të kësaj?" - ka thënë Dr. Christopher Murray nga Universiteti i Washingtonit, i cili zhvilloi modelin e vëzhguar nga afër të Institutit për Metrikën dhe Vlerësimin e Shëndetit. "Ne përfundojmë me nivelet më të larta të imunitetit global që kemi parë në pandemi”.
Përqindja e infektimit global
Modeli vlerëson se 57% e popullsisë së botës tashmë është infektuar me virus të paktën një herë.
Një ekip tjetër kërkimor, i cili kombinon disa modele dhe ndan parashikimet me Shtëpinë e Bardhë, parashikon një rënie të fortë të infeksioneve në SHBA deri në prill, nëse nuk shfaqet një variant i ri që mund t’i anashkalojë nivelet në rritje të imunitetit.
"Do të ishte e rrezikshme ta harronim këtë mundësi, siç na ka ndodhur më parë”, ka theksuar Katriona Shea nga Universiteti Shtetëror i Pensilvanisë, drejtuese e ekipit që mbledh së bashku modelet.
Ajo vuri në dukje gjithashtu se parashikimet tregojnë se 16.000 deri në 98.000 amerikanë të tjerë vdesin para se të përfundojë vala e Omicronit. Numri i vdekjeve në SHBA është afër 870.000.
"Edhe nëse projektojmë një të ardhme më optimiste, tani kemi ende shumë përhapje të COVID, shumë tendosje në sistemet tona spitalore dhe vdekjet tona nuk kanë arritur ende kulmin", tha Lauren Ancel Meyers, drejtore e Universitetit të Teksasit.
"Ka ende shumë dhimbje përpara se Omicron të ketë ikur", ka thënë ajo, e gjithashtu shtoi: "Është shumë e pritshme që ky variant do të jetë një pikë kthese për sa i përket marrëdhënies sonë me këtë virus”.
