Salca e domates është thuajse në çdo në kuzhinë. Ajo përdoret më së shumti në pica, makarona dhe në perime, por a e dini për sa kohë përdoret për gatim? Më shumë se 200 vjet. Metoda e ruajtjes së domates u revolucionarizua nga shpikja e francezit Charles Nicolas Appert (1749-1841), i cili më 1795 realizoi konservat e para në qelq.
Shpikësi pa se ngrohja e një vazoje qelqi të mbyllur hermetikisht në ujë të valuar mund të zgjaste shumë ruajtjen e perimeve. Ai nuk mund ta dinte, sepse bakteriologjia nuk kishte lindur ende, por ngrohja çaktivizon enzimat përgjegjëse për degradimin kimik dhe vret mikroorganizmat që shkaktojnë prishjen e përbërësit.
Ruajtja hermetike e ushqimit gjithashtu revolucionarizoi organizimin e ushtrisë së Napoleonit, pasi zgjati afatin e ruajtjes së ushqimit të konservuar për trupat dhe gjithashtu transportin më të lehtë të saj.
Në Itali, sipërmarrësi Francesco Cirio hapi fabrikën e parë të konservuar të bizeleve në Torino më 1856 ku prezantoi produktet e tij të para në Ekspozitën e Madhe Universale në Paris. Më pas ai filloi të eksportonte në të gjithë botën, nga Liverpooli deri në Sydney. Njëzet vjet më vonë, ai hapi fabrikën e parë për ruajtjen e domateve, Cirio në Campania. Pjesa më e madhe e industrisë së konservimit, u zhvillua në Parma në fund të shekullit të nëntëmbëdhjetë. \ a2neës
