Flini tetë orë çdo natë. Ky është mesazhi i zakonshëm, sepse me gjumë të mjaftueshëm vijnë përfitime të shumta shëndetësore.
Por kualiteti i gjumit mund të jetë faktori më i rëndësishëm që lidhet me shëndetin e mirë mendor, më shumë se orët që i keni kaluar duke fjetur, aktiviteti fizik dhe dieta ushqimore. Kështu bënë të ditur një hulumtim i fundit i kryer nga universiteti i Otagos në Zelandë të Re.
Në të kaluarën, gjumi i shoqëruar me pengesa dhe shqetësime lidhet me shëndetin e keq mendor, përfshirë këtu depresionin apo çrregullimet tjera të disponimit. Të ushqyerit shëndetshëm po ashtu është vërtetuar se ndihmon në parandalimin e depresionit, si dhe ushtrimet e vogla ndikojnë në forcimin e shëndetit tuaj mendor dhe fizik.
Por gjumi, dieta dhe ushtrimet, janë një grup kompleks i sjelljeve që janë të pandara në jetën reale.
Megjithëse kemi parë shumë studime që kanë zbuluar se cilët faktorë ndikojnë më së miri në shëndetin mendor të njeriut, ky studim i ri i thekson tre faktorët kryesorë që janë, gjumi i mirë, dieta e duhur dhe ushtrime fizike.
Mbajtja e një shëndeti të mirë mendor dhe fizik nuk është e lehtë për të rinjtë, të cilët zakonisht përjetojnë ndryshime të mëdha në rutinat e tyre të përditshme, si në orarin e gjumit, kërkesat në punë, stilin e jetës dhe situatat e përgjithshme jetësore në një kohë kritike të zhvillimit të tyre.
© KOHA. Të gjitha të drejtat janë të rezervuara.
