SHBA: Cigaret elektronike nuk ndihmojnë në lënien e duhanit Foto: Ilustrim

SHBA: Cigaret elektronike nuk ndihmojnë në lënien e duhanit

23 January 2020 18:23

Nuk ka të dhëna të mjaftueshme se cigaret elektronike u ndihmojnë duhanpirësve të heqin dorë nga duhani, është thënë të enjten në një raport të qeverisë amerikane.

Kjo e dhënë është në kundërshtim me të atë qeverisë britanike, e cila i konsideron cigaret elektronike si terapi e zëvendësimit të nikotinës.

“Cigaret elektronike janë një grup i produkteve që ndryshojnë vazhdimisht dhe përdoren në shumë mënyra”, është thënë në raportin e publikuar nga Instituti i shërbimeve shëndetësore, duke komentuar këtë temë për herë të parë nga viti 1990, raporton REL.

Megjithatë në raport është thënë se ilaçet e miratuara nga Administrata për Ushqim dhe Ilaçe, siç janë hapat dhe fashat e vendosura në krah, “ndihmojnë në lënien e duhanit”.

Ky raport vjen disa javë pasi Qeveria amerikane ka njoftuar për ndalimin e cigareve elektronike me disa shije, mirëpo jo edhe ndalimin e plotë të tyre siç kishte premtuar Shtëpia e Bardhë në shtator të vitit të kaluar, transmeton agjencia e lajmeve AFP.

Ndalimi i pjesshëm i tyre ka ardhur pas presionit të madh të industrisë që prodhon këto cigare.

Bazuar në të dhënat e fundit, rreth 34 milionë amerikanë të rritur konsumojnë cigare.

Komentet

Shto koment

Të ngjashme