Na ishte njëherë në kryeqytetet financiare botërore e ashtuquajtura “Dreka 3 Martini”: një dehje e lehtë në mes të ditës, e kamufluar si drekë pune dhe e paguar me kartën e kreditit të kompanisë. Kjo traditë është hequr prej kohësh për shkak të shëndetit dhe barazisë gjinore, pasi teprimi me alkoolin ka ndikuar në dëm të grave.
Në Londër rezistonin dy bastione të këtij fenomeni: kompania e sigurimeve Lloyd dhe Bursa e Metaleve, e cila është më e rëndësishmja në planet. Tani edhe këto kanë ndaluar përdorimin e alkoolit gjatë orarit të punës. Ky vendim shënon fundin e një epoke, transmeton dita.
Ndalimi është pasojë e lëvizjes “#MeToo”, pasi dehjet dhe abuzimet seksuale janë dy zhvillime që gjenden pothuajse gjithmonë bashkë, edhe mes bankierëve, agjentëve të bursave dhe avokatëve.
Pasi janë akuzuar disa herë dhe dërguar në gjykatë, institucionet e mëdha të ekonomisë Britanike kanë vendosur rregulla më të ashpra. Nëse “Ujqërit e Londrës” do të drekojnë me një klient, tani duhet të kënaqen me ujë mineral, ose të gazuar nëse insistojnë. Prej kohësh konsumi I alkoolit ishte “karburanti” I përditshëm për agjentët tregtarë, të cilët e konsideronin të domosdoshëm për të nxjerrë më të mirën e tyre në betejën e përditshme në Bursë. Megjithatë, tani kjo traditë ka përfunduar.
-
Cola-Cola tërheq disa pije nga tregu evropian
-
Linja ajrore më e madhe në Evropë kërkon që pasagjerët të pinë vetëm dy pije alkoolike
-
Shqetësimet për shëndetin nga alkooli janë vetëm gjysma e historisë, e rëndësishme edhe kënaqësia
-
Jeta e natës po i bën spanjollët të palumtur, ja pse
-
Ministrja spanjolle e quan çmenduri që njerëzit të punojnë në restorante pas orës 1 të mëngjesit