Një grua japoneze e njohur si personi më i moshuar nga Libri i Rekordeve Guinness ka vdekur në moshën 116 vjeçe.
Tomiko Itooka vdiq në një shtëpi kujdesi në qytetin Ashiya.
Ajo u bë personi më i moshuar në botë pasi spanjollja Maria Branyas Morera vdiq në gusht 2024 në moshën 117 vjeçe, raportoi BBC.
Itooka u lind në maj 1908. Ajo u verifikua si personi më i moshuar në shtator të vitit të kaluar.
Ajo jetoi përgjatë luftërave botërore dhe pandemive, ashtu si edhe mes përparimeve teknologjike.
Edhe
Japonia regjistron rekord, afërsisht 100 mijë persona mbi 100 vjeç
U martua 20 vjeçe dhe pati dy vajza e dy djem.
Murgesha braziliane Inah Canabarro Lucas, që lindi 16 ditë pas Itookas dhe është 116 vjeçe, besohet se tani do të jetë personi më i moshuar në botë.
