Cal Hunter shkoi në një ankand për të blerë një apartament në Glasgow, por në vend të kësaj përfundoi aksidentalisht me një të katërtën e një prone të shkretë, 35 milje larg në Dunoon.
28-vjeçari Cal nga Hull, dhe e dashura e tij 26-vjeçare kanadeze Claire Segeren donin të fillonin një jetë të re në Skoci.
Dyshja u takuan për herë të parë në një udhëtim skish në Alpet Franceze dhe pasi shëtitën nëpër Evropë dhe Kanada, vendosën të jetonin në “qytetin e gjallë të Glasgowit”.
Derisa Claire ishte përsëri në shtëpi në Kanada, Calit iu dha detyra të blinte një apartament në qytet në një ankand shtëpish.
Por çështjet nuk shkuan siç kishin planifikuar.
Ai u përpoq të gjente atë çfarë ofrohej nga broshura e ankandit, por tha se ishin shtuar disa gjëra që nuk gjendeshin në revistë.
Cal pëlqente një pronë për shkak të pamjes. Ai e ngriti dorën për të ofruar para për të, dhe pas tij askush nuk e bëri të njëjtën gjë.
Jashtë vendit ku po mbahej ankandi, Cal e thirri menjëherë Clairen për të pyetur nëse dëshironte edhe ajo që ta përfundonin blerjen.
Bateria në telefonin e Cal po vdiste, kështu që një vendim duhet të merrej shpejt dhe ata ranë dakord të vazhdonin me blerjen prej 30,000 £.
Claire tha “Në atë kohë isha i ngazëllyer që kishim arritur të merrnim një pronë. Por kur arritëm në shtëpi më tronditi”. “Unë aksidentalisht bleva një shtëpi të gabuar”, tha Cal.
"Ishte pak më larg sesa po planifikonim të udhëtonim. Ishte rreth një orë, një orë e gjysmë nga Glasgow, nëse merrni traget”, ka thënë ai.
Por nuk ishte vetëm vendndodhja që ishte e gabuar për ta, çifti shpejt kuptoi se kishin blerë vetëm një të katërtën e vilës së shkatërruar Viktoriane.
“Ishte plotësisht e braktisur dhe kështu kishte qenë për 20-30 vjet”, shtoi Cal, i cili beson se fotografia e përdorur në ankand ishte marrë nga një kënd lajkatues disa vjet më parë.
Kulmi po binte brenda, njëri prej mureve ishte në prag të shembjes dhe të gjitha lëndët e drurit ishin të kalbura.
Por Claire dhe Cal ishin të vendosur të bënin një shtëpi për vete në vilën historike të quajtur Jameswood.
Ata gjetën pronarët e tre pjesëve të tjera të shtëpisë, duke arritur në fund të blinin të gjithë pronën.
Njëri nga tre pronarët e tjerë ishte madje i gatshëm të humbte para në shitje pasi pa gjendjen e pronës 120-vjeçare.
Tjetra është ajo që Cal e përshkruan si "detyra kolosale" e rregullimit të saj.
Çifti u zhvendos në një karvan të vogël në kopshtin e pronës dhe filluan të punojnë në të, duke kryer riparime pak nga pak.
Cal, i cili ishte trajnuar në zdrukthtari nga babai i tij dhe ata u ndihmuan edhe nga miqtë dhe komuniteti në punën e restaurimit.
Rreth dy vjet pasi ata bënë blerjen e tyre, ata ende kanë për të rregulluar gjëra në të.
