Uashington, 2 nëntor – Dawn, sonda e NASA-s, e cila eksploroi dy objektet më të mëdha në rripin e asteroideve, nuk është më në aktivitet pas njëmbëdhjetë vitesh në hapësirë, njoftuan drejtuesit e misionit, transmeton atsh raportimin e afp-së.
Shkencëtarët ishin në dijeni të faktit rreth një muaj më parë. ”Dawn” po i mbaronte karburanti, hidrazinë, e cila mbante antenën e anijes kozmike drejt Tokës dhe e ndihmonte në orientimin e paneleve të saj diellore drejt Diellit për t’u rikarikuar.
Më pas sonda humbi komunikimet e planifikuara me NASA-n të mërkurën dhe të enjten, dhe agjencia amerikane e hapësirës e deklaroi zyrtarisht atë të fikur.
Fakti që suporti i targës së makinën time njofton se automjeti im tjetër është në rripin kryesor të asteroideve “tregon se sa krenar ndihem për Dawn”, pohoi drejtori i misionit, Marc Rayman.