Një shofer është bërë i famshëm në Arizona të Shteteve të Bashkuara të Amerikës shkaku i fotografisë së tij në patentë shofer.
Sean Corbett nga Chandler të Arizonas kishte mision jetësor që në foto të lejes të dilte me një kulluese të pastave, të cilën e konsideron si elementar fetar, raporton CNN.
Corbett e quan veten “pastafarian”, një lloj feje, të cilën e ka krijuar vetë, ndërsa kulluesen e pastave e konsideron si kapelë fetare, transmeton Koha.net.
“Pastafarizmi është pjesë e kishës Përbindëshi i shpagetit fluturues, që pohon se bota është krijuar para 5 mijë vjetësh nga ky përbindësh”, ka thënë Corbett.
I vetëdijshëm për foton, ai thotë se është satirë sesa veprim serioz, por si duket nuk e ka vërejtur se kulluesja në formë tenxhereje duket si kapelë hokeji.