Shkencëtarët kanë dalë me një opsion të mundshëm që do të çonte në “neutralizimin” e pickimeve helmuese të merimangës vejusha e zezë. Profesori nga Universiteti Teknik Braunschweig në Gjermani, Michael Hust, ka thënë se kanë arritur të krijojnë antitrupa, duke zëvendësuar serumin e kuajve.
“Ky është hapi i parë për t'i zëvendësuar serumet e kuajve që përdoren ende për t'i trajtuar simptomat e rënda, pas një pickimi të merimangës së vejushës së zezë”, ka thënë profesori gjerman, shkroi FemaleFirst.
Sipas Hust, shumë viktima të vejushës së zezë nuk trajtohen pasi helmi i proteinës së kalit mund të ketë efekte anësore të padëshirueshme.
Vejusha e zezë futet në grupin e merimangave më të rrezikshme. Pickimi i saj lëshon një baktere që mund të shkaktojë simptoma të rënda te njeriut si kruarje, skuqje, ethe apo probleme neurologjike.
