Shitet për 72,000 dollarë vetura që princi Charles ia pati dhuruar princeshës Diana

Një veturë që i ishte dhënë Princeshës Diana nga Princi Charles si një dhuratë fejese, është shitur për më shumë se 72,000 dollarë në një ankand.

Nga ankandi u vlerësua që të arrinte mes 41,500 dhe 55,400 dollarë. Më pas, çmimi final u ngrit në 72,800 dollarë.

Vetura iu dha Dianës nga Princi Charles në maj 1981, dy muaj para se çifti të martohej.

Princesha e voziti veturën deri në gusht 1982, shkruan CNN.

Vetura u shit të martën me numrin e regjistrimit origjinal të saj, ngjyrën dhe radion.

Shitësja ishte një grua e cila mbeti anonime por që ishte admiruese e Dianës dhe e mbajti fshehur veturën edhe nga miqtë e saj.