Në botë ekzistojnë flamuj që shpeshherë janë komentuar për shkak të ngjyrave dhe simboleve që i përmbajnë. Në mesin e tyre është edhe flamuri i Kanadasë.
Ky shtet që numëron rreth 38 milionë banorë ka ngjyrën e kuqe dhe të bardhën në flamur, por gjethi që qëndron në mes e bën të veçantë. Çka simbolizon kjo?
Aty simbolizohet gjethi i panjës, dru i pyjeve malore me lëvore të lëmuara, që Kanadaja e ka pjesë të fushave dhe të kopshteve.
Ky simbol përfaqëson edhe identitetin kanadez dhe daton nga shekulli XIX. Është e paraqitur në stema dhe në çdo flamur zyrtar, përfshirë edhe në atë Forcave të Armatosura të Kanadasë.
Si mbeti ky flamur?
Në vitin 1860, princi i Uellsit po vizitonte Kanadanë. Anglezët po mbanin në duar trëndafilat e tyre tradicionalë, skocezët mbanin lulet me gjemba e kanadezët kishin nevojë për diçka. Ata zgjodhën një gjethe panje.
E kuqja dhe e bardha u shpallën ngjyrat zyrtarë të Kanadasë në vitin 1921 nga Mbreti George.
E bardha përfaqëson paqen, pastërtinë dhe ndershmërinë. E kuqja përfaqëson qëndrueshmërinë, guximin, forcën dhe trimërinë.
Dy vijat e kuqe që zbukurojnë anën e majtë dhe të djathtë të flamurit përfaqësojnë jetët e kanadezëve që u sakrifikua në dy luftërat botërore.
Flamuri modern është miratuar zyrtarisht nga parlamenti kanadez më 22 tetor 1964.