Pamje mahnitëse të Hënës nga anija kozmike indiane

Misioni historik Chandrayaan-3, i cili u ul në sipërfaqen hënore dy ditë më parë, ka vendosur roverin e tij të vogël me gjashtë rrota në një ekspeditë eksploruese për të kuptuar më mirë përbërjen e terrenit të Hënës.

Agjencia indiane e Kërkimeve Hapësinore, ose ISRO, ka thënë se roveri doli me sukses nga anija kozmike të enjten duke u rrokullisur.

Agjencia publikoi gjithashtu një videoklip të shkurtër nga anija, e quajtur Vikram, që tregon roverin duke bërë daljen e tij të kujdesshme, raportoi CNN. 

Misioni Chandrayaan-3 preku hënën të mërkurën duke e bërë Indinë vendin e katërt që me sukses kompletoi uljen e sigurt në sipërfaqen hënore. Anija po ashtu u ul më afër polit jugor të Hënës se çdo anije kozmike tjetër që është ulur.

Rajoni i polit jugor konsiderohet si hapësirë me rëndësi shkencore dhe interes strategjik për shkencëtarët të cilët besojnë se përmban depozita akulli.