Një burrë arrestohet në aeroportin e Perusë me 20 zogj në valixhe

Një burrë është arrestuar në aeroportin e Limas në Peru pasi i ishin gjetur 20 zogj të gjallë në valixhe.

Hugo Conings nga Belgjika u kap teksa provonte të kontrabandonte zogjtë duke i nxjerrë nga shteti përmes valixhes, kanë thënë zyrtarët shtetërorë.

Sipas BBC-së, ata kanë treguar se 54-vjeçari kishte planifikuar të udhëtonte drejt Madridit në Spanjë për të shitur zogjtë.

Teksa të gjithë zogjtë kishin mbijetuar, disa kishin treguar shenja dehidratimi e stresi dhe kishin humbur disa pupla pasi kishin kaluar disa orë nëpër kuti.

Conings u arrestua të hënën dhe mund të përballet me burgim prej pesë vjetësh për kontrabandim të kafshëve.

Edhe Botë 20 nën 2024 Me 300 tarantula të fshehura në bark tentoi të ikte, arrestohet në aeroport

Peruja njihet si shtëpi e më shumë se 1800 lloje të zogjve.

{gallery}