Ndahen “çmimet Nobel” për zbulimet që i bëjnë njerëzit të qeshin

Mjekrat nuk janë vetëm trendi, ato mund të jenë edhe një zhvillim evolucionar për të mbrojtur eshtrat delikate të fytyrës së burrave nga goditja në fytyrë.

Ky është përfundimi i trios së shkencëtarëve nga Universiteti i Utahit, të cilët këtë vit janë në mesin e fituesve të çmimeve "Ig Nobel", çmime këto të cilat vlerësojnë zbulimet e çuditshme shkencore.

Fituesit e ceremonisë së 31 të çmimeve Ig Nobel janë shpallur të enjten, dhe këtu përfshihen hulumtues të cilët zbuluan se si të kontrollohen më mirë buburrecat në nëndetëset e Marinës amerikane, shkencëtarët e kafshëve që shikuan nëse është më e sigurt të transportosh një rinoceront ajror me kokë poshtë, dhe një ekip që bëri të ditur se sa i neveritshme është çamçakëzi i hedhur i ngjitur në këpucën tuaj.

Për të dytin vit radhazi, ceremonia ishte një ngjarje dixhitale e para-regjistruar afërsisht 90-minutëshe për shkak të pandemisë globale të koronavirusit, tha Marc Abrahams, redaktor i revistës Annals of Improbable Research, që është sponsori kryesor i ngjarjes.

Çmimet Ig Nobel janë shpërblime satirike të cilat jepen çdo vit që nga viti 1991, “për të nderuar arritjet që së pari i bëjnë njerëzit të qeshin e më pas të mendojnë”.