Liqeni Uru Uru në Bolivi, dikur ishte një oazë e bukurisë natyrore i mbushur me shpendë të ndryshëm, kishte numrin më të madh të flamingove në rajon, por sot është i mbushur vetëm me mbeturina plastike.
Grumbujt e mbeturinave besohet se vijnë nga qyteti Oruro përmes lumit Tagarete, ku banorët hedhin aty mbeturinat e tyre, por të njëjtën gjë bëjnë edhe kompanitë lokale të minierave. Rruga ujore nuk ka dalje në det, kështu që mbeturinat kanë mbetur aty të grumbulluara prej vitesh.
Liqeni ndodhet në një lartësi gati 4 mijë metra mbi nivelin e detit në malet e Andeve.
Limber Sanchez, një ekolog, ka thënë se materialet e nxjerra nga një minierë aty pranë kanë shkatërruar gjallesat ujore.
“Krahas plastikës është edhe ndikimi i ujit acid nga miniera e cila derdh mbetjet në lumin Tagarete thuajse gjatë gjithë vitit”, tha ai.
Pesë vite më parë, liqeni thuajse u tha totalisht për shkak të një thatësire të madhe. Në atë kohë, ekspertët e përshkruan thatësirën si një katastrofë mjedisore të shkaktuar nga ndryshimi i klimës dhe shfrytëzimi pa kriter i ujit nga minierat aty pranë. \ a2news
-
Uji në Badoc e Batllavë ende në nivel të ulët të mbushjes
-
Sfera të mistershme metalike shfaqen në një plazh në Australi
-
Si mund të ndikojë lartësia mbidetare në Mexico City tek anglezët?
-
Punëtorët e mbetjeve elektronike në Indi përballen me rreziqe toksike për shëndetin
-
AUV kërkon heqjen nga tregu të disa serive të prodhimit të ujit mineral “Kllokoti”